benvida
A Federación Galega de Confrarías é unha corporación de dereito público constituída no ano 2004 que aglutina ó sector pesqueiro galego integrado nas confrarías de pescadores. Ainda que tódolos subsectores da pesca están integrados nas confrarías, destaca sobre todo o marisqueo e a pesca costeira artesanal e da baixura.
A importancia do sector pesqueiro e marisqueiro galego na dimensión socioeconómica de Galicia é claro. Máis de 12.500 persoas e 4.500 embarcacións faenan na extracción de peixes e mariscos, que anualmente supoñen uns 180 millóns de kgs en primeira venta en lonxa e que xeran uns 440 millóns de euros de facturación, representando máis do 40% de España e do 15% de toda a Unión Europea.
No cadro adxunto vemos os datos totais dos últimos anos:
DATOS XERAIS VENTAS NAS LONXAS PESQUEIRAS
| ANO | KGS | EUROS |
| 2015 | 180.463.878 | 458.194.924 € |
| 2016 | 188.456.656 | 491.664.064 € |
| 2017 | 212.784.516 | 508.672.109 € |
| 2018 | 174.298.158 | 490.992.891 € |
| 2019 | 158.167.314 | 464.888.248 € |
| 2020 | 150.256.142 | 412.960.344 € |
| media 5 anos | 176.792.557 | 473.835.531 € |
| 2021 | 132.782.506 | 424.955.237 € |
| 2022 | 134.287.109 | 437.398.236 € |
| 2023 (*) | 18.512.938 | 75.371.733 € |
| (*) os datos 2023 son parciais, a 15 de marzo | ||
Fonte:pescadegalicia.com
Pola súa banda, a flota pesqueira galega é de máis de catro mil catrocentas embarcacións, onde destaca principalmente a flota de artes menores con case catro mil. No seguinte enlace podes obter o listado actualizado do “rexistro de buques pesqueiros” por modalidades de pesca e caladoiros internacionais, comunitarios ou de aguas do cantábrico e noroeste.